An kashe fiye da Musulmi 40 a taron Maulidi
EPA
An kashe akalla mutum 43 a wani harin kunar bakin wake da aka kai a dakin taron da ake gudanar da taron Maulidi a Kabul, babban birnin Afghanistan.
Jami'ai sun ce akalla mutum 83 ne suka jikkata lokacin da malaman addinin Musulunci suke taro a babban dakin da ke lardin PD15 domin tunawa da zagayowar ranar haihuwar annabi Muhammad (SAW).
Harin shi ne mafi muni da aka kai Kabul a watannin baya bayan nan.
Babu wanda ya dauki nauyin kai harin, sai dai kungiyar IS ta sha daukar alhakin hare-haren da aka kai a birnin a baya bayan nan.
Hare-haren da kungiyar Taliban ke yawan kai wa sun sa an kara tsaurara matakan tsaro.
Source@bbchausa.com
Allah ya kyauta
ReplyDelete